ASOCIACIÓN SAN FERNANDO DE RECIMIL
15 ANOS DE LOITA.
A Asociación San Fernando, habendo cumprido 15 anos desde a súa legalización e superado o límite de dez anos de vida que algún "falso profeta" prognosticounos, queremos facer un balance desta difícil etapa da nosa existencia, que podemos concretar na paralización, creemos que por moito tempo, da ameaza de derriba dos nosos fogares. Certo é, que habemos ter algunhas valiosas axudas, pero certo tamén, que sen nós, ninguén se molestou en enfrontarse ás poderosas forzas que buscaban arrasar as Casas Baratas para realizar o negocio do século. De haberse levado a cabo aquela operación, a crise económica faría imposible levantar os novos edificios, ou pagar as hipotecas das vivendas que se houbesen construído, o que significaría a ruína total de varios centos das familias de Recimil.
Hoxe, mirando cara atrás, podemos anotar no noso haber, a defensa dun barrio que, segundo a Comisión de Patrimonio da Coruña, "posúe valores históricos, ambientais e de ordenación arquitectónica, que forman un bo exemplo da arquitectura hixienista construída nos anos 20 e 30 por toda Europa".
Nós, que sempre cremos na importancia deste emblemático barrio, decidimos continuar na loita para intentar borrar a negra mancha que, importantes intereses económicos, botaron sobre os edificios e os seus habitantes, aos que até se chegou a cualificar de degradados. Estamos convencidos da necesidade de seguir defendendo a dignidade deste barrio e dos seus veciños, que ao longo de setenta anos deron numerosas mostras da súa entrega, investindo tempo, traballo e diñeiro, ao coidado dos edificios, rúas, prazas e xardíns.
Dentro do noso traballo queremos destacar a creación dunha páxina WEB, recentemente actualizada, cuxa dirección é http://sanfernandorecimil.galeon.com con toda clase de información sobre o noso barrio, á que engadimos un resumo histórico do nacemento da "ciencia urbanística" e da creación da "vivenda social", desde mediados do século XIX.
Moitos dos nosos compañeiros de loita xa se han ir para sempre, pero os que quedamos estamos decididos a seguir traballando mentres as nosas forzas permítannolo, para intentar conseguir que a veciñanza síntanse orgullosa do seu barrio e que, as "Casas Baratas" de Recimil se convertan tamén nun orgullo para Ferrol e a súa xente.
A Xunta Directiva.
Asociación San Fernando,para defender o Patrimonio Histórico do Barrio de Recimil
Enviado por:
sanfernandorecimil
-sanfernandorecimil@mundo-r.com-
30 de janeiro de 2014 14:59
http://sanfernandorecimil.galeon.com/
______________
Foto do Diario de Ferrol.
_____________________