O grupo municipal de Esquerda Unida considera que a opción de que entre o capital privado no porto deportivo de Caranza é a peor da posibles. Ao compás da nova lei de Costas avánzase na privatización da xestión de entidades situadas en dominio público marítimo deixando sen efecto o papel regulador da autoridade administrativa. A especulación está servida mesmo que sexa de pequeno calado. Esquerda Unida entende que non é a mellor opción nin para Caranza nin tampouco para Curuxeiras e A Graña.
En coherencia coa oposición rotunda á posible privatización, de golpe ou por entregas, por parte de portos do Estado con contratos de concesión por cincuenta anos, ou máis, a legalización de figuras como a de garaxe-marítimo, amarres de deseño e demais, Esquerda Unida considera totalmente improcedente que se conceda, aínda que sexa en pequena escala, concesión administrativa algunha en materia de portos deportivos e xestión do dominio público marítimo. Por unha banda a substitución da figura da “autorización administrativa” pola de “concesión“ alimenta a idea de favorecer negocios en lugar de ofrecer servizos. Por outro lado a idea de que inversores privados continúen desenvolvendo a rada deportiva non ten xustificación económica como ,por outro lado , tampouco a ten a privatización de ningún porto, de interese xeral ou non, xa que os portos españois presentan unha situación económica saneada e son financieiramente autosuficientes. En definitiva a entrega aos especuladores do control absoluto da economía e da xestión de espazos territoriais de dominio público é algo que este grupo municipal non vai aceptar.
Ferrol 29 de xullo de 2013
Grupo Municipal.
Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org
http://www.esquerdaunida.org/ferrol.html
http://www.esquerdaunida.org/
Enviado por:
Ferrol Esquerda Unida
-eu-ferrolterra@esquerdaunida.org-
29 de julho de 2013 13:11
__________________